Aldrei hefði mér dottið í hug að geta setið í stuttbuxum ber að ofan fyrir utan heima hjá mér á íslandi í september. En það er það nákvæmlega sem ég er að gera núna hérna í Lund. Þetta er alveg frábært. Held að það sé 25°C eins og er, ekki ský á himni og smá gola til að sólin drepi mann ekki. Eini gallinn við þetta er að ég er að verða eins og eitt stórt moskítóbit.

Ég er allur að steypast út í þessum helvítis bitum. Þær eru alveg vitlausar í kallinn Þetta bregst ekki....um leið og ég stíg fæti úr flugvél sem er ekki stödd á Íslandi þá er ég bitinn. Orðið alveg óþolandi. Fæ risaútbrot og milljón af þeim á meðan Rakel og Thelma sæla sig prýsa með engin. Ég var að lemja eina af mér sem ákvað að stinga mig í gegnum buxurnar (fann bókstaflega fyrir því) og bólgnaði á 1 mínútu. Held að ég hafi ofnæmi eða er svona x-tra viðkvæmur fyrir þeim.

Annars er það í fréttum að ég er búinn að missa 4 kg. síðan ég kom hingað. Því þakka ég Devitio's-leysinu hérna..og kannski öllu þessu labbi niðrí bæ með stelpunum. Við Rakel tókum einn fínan hjólreiðartúr í gær og komumst að því að það er ekkert mál að villast þegar maður hjólar hérna á kvöldin. Við hjóluðum með hjólastígum sem liggja rétt hjá hraðbrautinni sem krossast til hægri og vinstri og munaði engu að við villtumst. Þorðum eiginlega ekki að fara í bæinn því að við vorum ekki með luktir á hjólunum og það er víst háar sektir við því að hjóla ljósalaus á kvöldin.

Heimþráin er farin að gera ogguponsu var við sig, enda vantar manni alla bestu vinina sína hérna og fifa-tussurnar mínar Hvet ég alla til að drífa sig í því að fá sér Skype, kostar ekki skít né kanil til að hringja þá á milli.

En þangað til....

Laters

Hey, hó....

Þá er loksins lífið að taka sinn vanagang hérna. Ég keypti mér "græna kortið" sem kostaði 340SEK. sem er töluvert ódýrara en í Rvík. Gjaldskrá á bus.is segir að græna kortið(1mánuður) kostar stórar 5000kr. og gula kortið(2vikur) 3000kr. Enginn smá peningur fyrir strætó og samt er maður að lesa á mbl.is að nýja strætókerfið er tapa 1 milljón á mánuði. Hvað er það? Enda er líka alltaf að vera þróa nýjar og fatlaðri leiðarkerfi sem kosta helling af monsu....iss piss. En núna er maður eins og innfæddur með þetta skínandi og flotta strætó kort

Svo í dag var ég laminn....af grein. Jebb, við Rakel vorum að labba með nýju, gömlu hjólin okkar í viðgerð í smá roki undir stóru tréi þegar out of nowhere kemur þessi hlunka trégrein og mouthslappar mig svona hrikalega. Ég gat náttúrulega ekkert gert við þessu þar sem ég hélt dauðataki í hjólið svo ég myndi ekki detta á gangstéttina. Fullt af fólki þarna og svona til að halda þessu svona down-low þá sagði ég ekki neitt heldur gekk bara áfram hálfvankaður en nei....!! Rakel vældi úr hlátri þannig að allir þurftu að horfa á okkur...helv! Karma Rakel, karma...mundu það.

Annar er voða lítið að frétta..er ekki ennþá komin með dótið okkar frá Samskip í Varberg, þannig að okkur vantar bunch af dóti t.d. eins og dvd-ið okkar og allar myndirnar en það skiptir nú varla engu þar sem við eigum ekki ennþá sjónvarp. Samt búið að vera núna undanfarna daga það gott veður að maður getur eiginlega ekki hangið inni.

en hey...pizzan er orðin tilbúin í ofninum þannig að...

laters.

Loksins, loksins eftir langt bloggleysi getur maður sest niður og skrifað eitthvað af viti....eða...behh...

Anyhow, nú er kappinn fluttur út til Sverige eða nánar tiltekið til Lund. Flugið gekk ágætlega fyrir sig nema að elsku Hendrix okkar dó næstum því, bókstaflega sko. Hann var settur í sama farangurshólf og töskurnar, um leið og flugvélin lenti þá var hann fluttur upp á dýraspítala. Við fengum ekki að sjá hann næstu 2 tíma þar sem hann var settur í hitateppi því samkvæmt dýralækninum ofkældist hann rosalega. Kuldinn í farangurshólfinu er hrikalegur og upplifði hann -30°C sagði læknirinn. Sem betur fer vorum við búin að troða teppum inn í búrið og ekki skemmdi fyrir að hann er alveg hrikalega loðinn hehe. En honum líður vel í dag þannig að þessi saga endar vel sem betur fer.

Lífið í Lund er ágætt, við tókum bílaleigubíl fyrstu dagana og ratar maður ágætlega hérna. Kann allavegana leiðina niður til Malmö í IKEA. Þetta var alveg huge stórt og við vorum þarna inni í 5 tíma, enda er það bara minimum ef þú ætlar þangað inn. hehe.
Annars er voða lítið að frétta, búið að vera hálfgert íslenskt veður hérna síðasliðna daga. Rigning í 10mín og svo sól og svo rigning í 10mín og svo sól.

Svo er annað bögg, það tekur u.þ.b. 2 - 3 vikur að fá kennitölu hérna, sem þýðir að ég mun sitja á rassgatinu hérna og gera ekki neitt þennan mánuð Reyndar er vínbúðin í 2min labbitúr frá íbúðinni þannig að ég fæ allavegana smá hreyfingu

Gauti (strákurinn hennar Thelmu) er reyndar helvíti duglegur að draga mig út í fótbolta..hann segir að ég sé kominn með og stóra bjórbumbu!! Ég var ekki sammála

Enn og aftur hef ég verið slakur við að blogga. Enda er ég búinn að vinna seinustu 4 vikur eins og hvítum manni sæmir ekki. Rússadjöfullinn sem er að vinna með mér fór til Rússlands til að fylgjast með fæðingu dótturdóttur sinnar og sagðist vera "fastur" í landinu. Eitthvað með vegabréfið hans að gera. PÖFF!! Þegar hann loksins kom heim, nota bene...5 vikum seinna, þá var kvikindið alveg hel-tanað vegna hitabylgju sem kom og eini staðurinn sem hægt var að vera á var ströndin. Helv..djösans bull. Það er enginn fastur í 5 vikur einmitt þegar það er hitabylgja

En í raun kom þetta mér til góðs...núna á maður von á feitum launaseðli og það er alltaf ágætt. Ég og Rakel keyptum farmiðana okkar til Köben um daginn og það er varla orðum lýst hvað manni er farið að hlakka til að flytja út til Svíþjóðar. Núna er minna en mánuður í þetta en við flugið er þann 15.ágúst. Við tökum kettina líklega með í flugvélina, gefum þeim eitthvað róandi annars verður Hendrix okkar hárlaus þegar vélin lendir í Kastrup

jæja....hef ekki tíma í meira blogg. Þarf að halda áfram að vinna

Laterz

Jæja....þá hefur maður loksins tíma til þess að blogga smá. Vikan hjá mér er búin að vera frekar leiðinleg, vægt til orða tekið. Ég er búinn að vinna í 53 tíma frá mánudeginum og hef ekki séð dagsins ljós síðan um helgina og ekki hitt neina vini Samt mest pirraður vegna þess að ég missti af nokkrum leikjum á HM

En ég vona nú að helgin verði eitthvað skárri en þetta helvíti. Það er búið að bjóða mér í roadtrip með félögum frá eyjum, þar sem við myndum þá leggja af stað á föstudeginum og enda svo um kvöldið á laugardeginum í sumarbústaðnum hjá mér. En nátturulega með viðkomu á einhverjum sportbar vegna Brasilíu - Frakkland leiknum. En ég veit ekki hvað maður gerir vegna þess að það er leikur á sunnudaginn í Carslberg-bikarnum í hádeginu!! Hvað er það að hafa leik kl.12 á sunnudegi? Kann þetta fólk ekki að skammast sín...nei, maður spyr sig. Vita þessir menn ekki hvaða dagur er á undan sunnudeginum!! Djöfulsans... Við erum að reyna fá þessum leik frestað en það er frekar ósennilegt að það gerist.

Svo er Valtýr að halda bæbæ-partý á laugardaginn fyrir eiginkonuna sem er að fara til Kína eða Japan (it's all the same) Var hann búinn að lofa mér nóg af pulsum - er samt ekki viss hvað hann meinti með pulsupartýi

En já....nú er mútta farinn til útlanda með pallhýsið og ætlar að keyra um Evrópu í mánuð sem þýðir bara eitt.....; Fifa- og grillpartý hvern einasta dag þennan mánuð heima.....eða svona annanhvorn dag....póker hinn daginn

mhm.....svo þarf ég að fara henda fartölvunni í smá viðgerð svo maður geti bloggað eitthvað heima hjá sér

Laterz

Góða kvöldið, ég hef verið soldið latur við að skrifa hérna upp á síðkastið en ég hef mjöööög góða ástæðu.....HM 2006. Þarf ekki að útskýra neitt frekar og ég veit að allir skilja mig. Það hefur reyndar líka verið mikið að gera hjá mér undanfarið.

Seinasta helgi var alveg ótrúlega skemmtileg; HM byrjaði á föstudeginum með tilheyrandi bjór og djammi. Ég horfði á opnunarleikinn í vinnunni á risaskjá og með bjór í vinstri og bjór í hægri, ekki hægt að toppa það. Um kvöldið var svo haldið í svona hálfskonar (ó)vissuferð sem endaði í Haukaheimilinu í Hafnarfirðinum þar sem var boðið upp á frían bjór og Breezer. Bubbi kom og heilsaði upp á okkur, tók nokkur vel valin lög og fór svo bara eftir hálftíma. Stuðmenn komu reyndar líka eftir að Bubbi var búinn að spila en þar sem ég leitaði á náðar Meistara Bakkusar þá sá hann til þess að ég eiginlega missti af þeim.... Þurftum við Atli að drífa okkur reyndar í 1/4 aldar afmæli hjá honum Kobba félaga okkar þar sem hann sá um að halda uppi fjörinu eins og honum er einum lagið

Á sunnudeginum var tekinn þynnkubolti (eftir laugardagspókerinn) með utandeildarliðinu Dragon þar sem leikurinn endaði með jafntefli 2-2. Stóð mig ágætlega nema þegar ég lagði upp markið fyrir andstæðingana með prumptæklingu rétt fyrir utan teig

Hápunktur vikunnar var á mánudeginum þegar ég fór á Roger Waters tónleikana í Egilshöll.....frítt. Sem betur fer því það kostaði litlar 10.000 á helvítið. Þurfti reyndar að troða mér í gæslubol því að Bogi reddaði mér og Atla þessu fína djobbi við að vera í gæslunni og passa liðið þarna. Þetta var nú svosem ekkert mál þar sem maður stóð nú eiginlega bara hliðiná sviðinu og horfði bara á þessa geggjuðu tónleika. Sándið var brjálað gott og maður fékk alveg vænan fiðring í magann þegar þeir tóku Dark Side Of The Moon, alveg klikkað (þú öfundar mig núna fyrir að hafa sleppt tónleikunum ha, Silla Pilla!?!) hehe

Tók þessa mynd með símanum frekar leiðinleg gæði en samt sem áður.......

Í vikunni unnum við í Kramerica, a.k.a Black Barbara sætan sigur í bikarnum í Carlsbergdeildinni þar sem Siggi, a.k.a. skítakall fór hamförum....9 mörk í 2 leikjum!!! hvað er málið spyr ég bara, en eins og áður þá er hægt að lesa um leikinn á liðssíðunni okkar.

En jæja, þetta er komið nóg af bulli - ætla að koma mér út og fá mér nokkra bjór svona í tilefni dagsins, þó að það sé virkur dagur. (Er ekki alltaf tilefni í bjór hvort sem er?)

Laterz

 

Besti þynnkumatur?!?
Nonnabiti
5%
Hlölli
0%
KFC
38%
Devitos
48%
Rvík Pizza Company
10%

Tíminn í vinnunni líður aftur alveg hrikalega hægt og gæti þessvegna verið að líða aftur á bak. En mig langaði nú bara að henda inn þessum úrslitum seinustu skoðannakönnunar um besta þynnkumatinn. Devitos var sigurstranglegastur en KFC kom stutt á eftir. Rvík Pizza a.k.a. Eldsmiðjan fékk þarna nokkur atkvæði en svo held ég bara að einhver hafi ætlað að vera fyndin og kjósa Nonnabita haha.....þúst Nonnabiti ?!? hver borðar það? Neinei Nonni er fínn, segjum það bara  

En Devitos er alltaf kúl og töff þó að maður drepst inná staðnum með hálfa pizzu í kjaftinum og restin á gólfinu þá hugsar fólk alltaf: "Djöfull er þessi svalur, hann er að fá sér Devitos". Takið þetta til ykkar sem eiga - þið eruð ofursvöl

Síminn minn lenti í þvottavélinni um daginn - fattaði það ekki fyrr en ég var búinn að leita af honum í hálftíma og þegar ég heyrði skrítna dynki í vélinni....djöfulsans vitleysa. Anyhow, ég fór með hann í viðgerð hjá OgVodafone þar sem ég vildi nú helst fá númerin sem eru í honum. Á meðan ég beið eftir afgreiðslu var e-h vitleysingur að missa sig þarna, búinn að hóta afgreiðslukonunni að drepa hana, lemja hana í hausinn með gamla símanum sínum og ætlaði svo að bíða eftir að hún myndi klára vinnu og elta hana heim...wtf ??

Pían nottla snögg að hringja á Fimmuna og þá byrjaði gæinn að væla um að ef hann yrði handtekinn þá færi hann með þetta í fréttirnar og myndi sko láta alþjóð vita að OgVodafone myndi ekki bæta símann hans og bla bla. Pínu æstur greyið. En fljótlega komu laganna verðir og tóku hann, ég hefði nú samt viljað einhver meiri læti frá honum og sjá hann verða mase-aðann eða e-h solleiðis En gaman samt engu að síður.

En aftur að símanum...ég hringdi um daginn til að ath. með símann. Þá senda Vodafone símann í viðgerð hjá Símanum!! Hvað er málið? Og það tekur bara einhverja viku - eina og hálfa að fá símakvikindið aftur. Afhverju gera þeir ekki sjálfir við símana í stað þess að senda þá til Símans sem rukkar Vodafone fyrir viðgerðina og svo leggja OV örugglega auka á reikningin fyrir að senda hann til Símans í viðgerð blehh Hefði átt bara að fara beint í Símann.

Jæja...nenni ekki að röfla lengur..eða jú samt - ekki röfl. Við í Black Barbara unnum sætan sigur á sunnudaginn eða 6-0, hægt er að lesa um leikinn á síðunni okkar. En Dragon leikurinn minn seinna um kvöldið gekk ekki alveg eins vel en hann fór 3-3 á móti Nings.

Laterz 

Heibb, þá er maður loksins kominn frá Eyjum og get ekki annað sagt en þetta hafi verið alveg geggjað! Við fengum alveg ágætt veður fram að seinasta degi en þá kom líka þetta klikkaða veður - alveg vibba rok. Ég var orðinn frekar smeykur þegar við vorum að láta allan farangurinn og eggin síga niður af eyjunni því það kom í minn hlut að fylgjast með öllu saman á brúninni og var ég ekkert smá hræddur um að fjúka niður bergið. En þetta gekk allt að óskum og fengum við alveg dágóðann slatta af eggjum en ef ekki hefði verið svona kalt einsog er búið að vera undanfarna daga þá hefðum við fengið alveg helmingi fleiri.

Eftir að ég kom í bæinn þá fékk ég kaggann í hendurnar loksins, loksins eftir langvarandi þrá og vil ég þakka öllum þeim sem lögðust á bæn á meðan aðgerðinni stóð. Ég bíð svo Thelmu upp á pulsu og kók fyrir þetta framlag sitt í baukinn. Bíllinn er eins og nýr og vil ég þakka hinum virta og fræga taugalækni Dr. Gísla E frá Eyjum. Einn sá færasti í bransanum.

Í fyrradag þá festi ég mér kaup á Sýn enda ekki annað hægt því HM 2006 nálgast hratt og munu leikirnir verða sýndir heima hjá mér í beinni. Það verður ávallt til kaldur bjór á kantinum fyrir hvern leik og þeim sem vilja boðið í hágæða fótboltaveislu Einnig vil ég minna á HM 2006 Reglurnar sem eru að koma mjööög sterkt inn. Þær eru á Black Barböru síðunni og þær MUNU koma í veg fyrir hjóna -og sambandsslit ef farið verður rétt eftir þeim. Hvet ég eindregið allar konur að líta á þær. http://www.blog.central.is/blackbarbara?page=viewPage&id=816219

Laterz

Þessi dagur líður alveg ótrúlega hægt. Seinustu 4 tímarnir eru búnir að vera heila eilífð að líða...skrítið hvernig dagurinn getur annaðhvort þotið framhjá en annarsvegar verið alveg óþolandi lengi. Það er einmitt svoleiðis núna, hann gæti alveg eins verið að líða afturábak. Þetta endar þannig að ég mun aldrei ná að klára skrifa þessa færslu, þið ættuð þá í rauninni aldrei að geta lesið þetta, tíminn gengur það hægt.

Þetta er samt alveg magnaður tími sem er að fara koma á næstu dögum. Í fyrsta lagi þá er leikur ársins á morgun s.s. miðvikudag, Arsenal - Barcelona og ég er búinn að vera með í maganum alla þessa viku útaf þessum leik en innst inni þá veit ég að það er algjör óþarfi að hafa áhyggjur því að við vinnum þennann leik!

Í öðru lagi þá er kominn eggjatínslutími og fer ég á hverju ári í Bjarnarey til að síga eftir eggjum. Þetta er alveg mögnuð lífsreynsla, alveg ótrúlega gaman og skora ég á ykkur að koma með mér einhverntíma í eggjatínslu. Að fara af brúninni og hanga í 200 - 250 metra hæð yfir sjónum er alveg geggjað, hvað þá að spyrna sér af klettaveggnum og svífa alveg með berginu, tilfinningin er nær ólýsanleg. Einnig er lyktin kannski líka nær ólýsanleg

Á daginn þegar ekki er verið að síga þá er verið að þrífa eggin eða gengið um eyjuna að skoða hvort fuglinn hafi verpt ágætlega og athugaðir staðir hvar best væri að síga næst. Einnig er riffillinn tekinn fram og skotnar nokkrar Rítur eða reynt eftir Skúmnum. Það er ekkert sjónvarp né rafmagn nema 1 rafmagnsgeymir sem notaður er til að geta rétt hlaðið símana. Svo er kvöldvaka á hverju kvöldi þar sem gítarinn er tekinn fram og drukkið og sungið fram á rauða nótt....eða þangað til gítarleikarinn deyr áfengisdauða.

Anyhow, þá fer ég á fimmtudaginn og kem aftur heim á sunnudaginn en missi því miður af fyrsta leik Svörtu Barböru sem er kl. 8 um kvöldið en ég hef nú engar áhyggjur af þessum leik frekar en Arsenal leiknum á morgun   

Gangi ykkur vel strákar!

Laterz

Jæja, eftir mánaðar veikindi þá er bíllinn loksins að fara á stjá. Hann fer í skurðaraðgerð í dag og sendi ég honum heillaóskir í von um að allt fari vel. Þetta er búinn að vera ömurlegur tími síðan veikindin komu upp. Ég vissi ekki hversu erfitt er að vera án bílsins míns fyrr en núna, bara næstum ómögulegt. Mér líkar líka bara engan veginn við þessa strætisvagna enda eru þeir ekkert nema dauðagildra. Alltaf e-h árekstrar hjá þeim, keyra inní hús og á hvorn annan, ég er skíthræddur við þá.

 Hjólin eru reyndar annar kostur en það er greinilegt að ég ofmet sjálfan mig gífurlega þegar að þeim kemur þannig að það er betra að ég sleppi því að hjóla. Ég gæti alveg örugglega skokkað en ég bara hreinlega nenni því ekki

Enn þessi aðgerð sem bíllinn mun fara í er ekki ódýr en ég er samt ánægður með að hann er að koma heim, hans hefur verið sárt saknað. Enda hef ég notað vini og vandamenn óspart og vil ég þakka þeim hrikaleg vel fyrir, sérstaklega honum Atla. Þú átt nokkur skutl inni hjá mér.

Sumarið er eiginlega bara komið og er spáð blíðskaparveðri um helgina sem er líka eins gott því að það er óvissu"fyllerís"ferð hjá vinnunni á laugardaginn. En það sem ég er meira að hugsa um hvað mig langar á einhverja tónleika í sumar. Það er bara ekkert að gerast. Manchester hátíðin var um daginn en það mættu held ég 20 manns á hana, hálfgert flopp. Roger Waters er reyndar í 12.júní en mig langar nú eiginlega ekki á hann. Mhm... kannski bara dEUS aftur

Laterz

p.s. svo er reikningsnúmer hérna vinstra megin fyrir þá sem vilja hjálpa nærri dauðstöddum bílnum

Jæja...þá eru komin úrslit fyrir seinustu skoðanakönnun;

Hvernig mun bloggið ganga?
Þú verður næsti penni þjóðarinnar!
55%
Æji, droppaðu þessu bara
9%
Drekktu þér í eigin slefi, þetta er ömurlegt!!
18%
Prófaðu þetta bara, þú höstlar út á þetta.
18%

Þá er ljóst að þessi síða á eftir að verða nýjasta þjóðargersemi íslendinga og munu skrif mín hérna verða hugleiðingar af bestu gerð en ekki e-h bjórdagbók fyrir vini mína og mig. No-sörríbob, hér mun nefnilega forsetinn leggja sína leið á sínum daglega "blogg-rúnti" og fá hugmyndir hvernig ætti að stjórna þessu landi. En ég verð nú samt aðeins að segja ykkur frá helginni

Um helgina var fyrsti æfingaleikur Black Barböru og fengum við þetta frábæra veður til að spila á Fylkisvellinum í Árbæ. Leikurinn byrjaði nú ekki sem best en þegar leið aðeins á þá byrjuðu mörkin að hrúgast inn. Reyndar ekki fyrr en Valtýr tók sér pásu og fékk sér sundsprett í ánni fyrir neðan. En leikurinn endaði 5-2 fyrir Barböru menn eins og við mátti búast því með þessi ofurmenni eru allar götur færar. Auðvitað er svo hægt að lesa allt um leikinn á Black Barböru síðunni en hún er linkuð hérna vinstra megin  Eftir leikinn var tekinn stefnan á Árbæjarlaug nema Valtýr beið í bílnum á meðan því hann var búinn að baða sig.

Um kvöldið var grillað heima hjá mér og hefur aldrei neinn séð aðra eins grilltækni og fylgdust menn með mér allan tímann í von um að fá að læra kannski e-h. Fengum við svo ekki bara besta veður í heimi til og fór hitinn uppí heilar 12-13°c. Ég held meiraðsegja að ég fékk smá brúnku í leiðinni. Eftir mat var tekinn póker og svo haldið niður í bæ.

Já, það var sko fjör á Njálsgötunni

Það er búið að setja inn myndir frá þessum degi og einnig nokkrar myndir frá afmælinu hans Jónasar sem var seinustu helgi.

Laterz

Hellú.....búið að vera brjálað að gera hjá mér undanfarna daga þannig að ég hef haft lítinn tíma til að blogga. En þar sem ég er í vinnunni núna (nenni aldrei að gera neitt)  þá get ég reynt að æla einhverju úr mér.

Helgin var bara sú fínasta. Jónas kallinn átti afmæli á föstudaginn og eldaði fyrir mannskapinn, s.s. Mig, Dodda, Davíð, Stebba, Sverri og Lilla. Hann galdraði fram þennan geggjaða pastarétt sem ég mun seint gleyma....mmm, takk fyrir mig. Stebbi bakari bjó svo til eftirréttinn í vinnunni sinni sem var svona súkkulaði gums eins og maður fær á veitingarstöðum og mangó-ís!! Bara töffarastælar í honum. Svo var það bara bærinn eins og okkur er einum lagið.

Laugardagurinn fór í fótboltaæfingu hjá Barböru. Siggi var minntur tvívegis á að kúka ÁÐUR en hann kæmi þannig að þetta varð að góðri æfingu. Um kvöldið var tekinn póker þar sem aðeins alvöru karlmönnum var leyft að vera með. Reyndar kom upp vafamál með Valtýr en þar sem hann gat skutlað mér þá fékk hann að vera með. En auðvitað boðaði þetta ekkert nema vandræði því að Valtýr postulínsdúkka var orðinn fullur eftir einn sopa og náði að hella yfir allt pókerborðið og drakk hann bara vatn það sem eftir var kvöldsins. Atli komst ekki í spilið því það var verið að hýða hann með svipu sérpantaða frá Ísafirði en hann kemur bara næst Kvöldið endaði svo á bar 11 eins og vanalega þar sem Steini átti stórleik og valtaði gjörsamlega yfir mig Valtý og Kobba.

 

Svo er annað... Ég var að fá að vita það að ég er með leyfi til að spila golf á þessum geggjaða golfvelli í Svínadal (þar sem Vatnaskógur er) fyrir mig og vini og ekki skemmir fyrir að sumarbústaðurinn okkar er þarna hliðiná. Við verðum að fara plana ferð uppí bústað núna e-h tíma á næstunni með smá bjór og taka kylfurnar okkar með, hvað segið þið um það strákar??     Látiði mig vita

Laterz

 

 

 

         

Ég var að spá að reyna koma mér í form núna á næstunni. Ekki það að ég er ekki helmassaður, bara þolið er alveg í mínus hjá mér. Ef dæmi er tekið þá hjólaði ég í vinnuna um daginn því að bílgreyið er lasinn með smá hita. Ég gíraði mig upp, setti á mig húfu og fékk hjólið hjá litlu systur lánað og hjólaði af stað með bakpoka reyndar því það var æfing hjá mér um kvöldið. Ég var búinn að gleyma því hversu ótrúlega er gaman að hjóla - þarf að fara gera þetta oftar

Allavegana...þegar ég mætti upp í vinnuna sem er rétt hjá Holtagörðum þá var ekki að finna þurran blett á mér. Kræst hvað ég var bullandi sveittur og þreyttur en á hinn bóginn ótrúlega stoltur af sjálfum mér fyrir að hafa hjólað þessa 20km. Ég labbaði inná skrifstofu með sólheimabrosið alla leið og ekkert smá ánægður með sjálfan mig. Sagði strákunum að ég hafði hjólað alla þessa leið í vinnuna og þessvegna væri ég svona bullandi sveittur. Eina sem ég fékk á móti var þessi fkn hlátur og svona aumingja brandara. "hahahaha, þetta eru ekkert 20km. auminginn þinn. Svona mesta lagi 4-5km."   WTF??  4-5? Ég hélt nú ekki kallinn minn, ég svitna sko ekki svona fyrir 4-5km. Þannig að ég tjékkaði á þessu og viti menn; þetta eru ekki nema  4 og hálfur kílometer. Ég er brjálaður!! 

Þetta þýðir að ég verð bara að gjöra svo vel að drulla mér í form fyrir boltann í sumar

Annars er nú voða lítið að frétta af mér, er reyndar að kíkja í afmæli hjá Jónas á föstud. Hann mun elda einhvern dýrindismat ofaní okkur þannig að þetta ætti nú að vera gaman   Heyrðu já, svo er komin Black Barbara official heimasíða þar sem þið getið fylgst með leikjunum okkar í Carlsbergdeildinni í sumar. Einnig er þar líka tengill á Dragon liðið sem ég mun einnig reyna að spila með í utandeildinni.

Þetta er nú samt komið fínt í bili,

Laterz

Jæja, Arsenal fara í úrslit á móti Barca í Meistaradeildinni, jeihh. Þó að þetta hafi nú verið mjög lélegur leikur hjá Arse, held að leikurinn hafi farið 11 - 0 í skotum á mark fyrir Villareal, þá varði Lehmann alveg magnþrungið víti á 88.mín og er maður leiksins að mínu mati. En það gengur ekki að spila svona eins og við gerðum á móti Barca...engan veginn.

 

Helgin var ágæt, fór í bíó á Running Scared á föstudaginn og fyrsti edrú föstud. í laaaaangan tíma. Þetta var nú ágætis afþreying og fengum við bestu sætin í salnum á fremsta bekk, lengst til vinstri og vaknaði ég með vænan hálsríg daginn eftir.

Laugardagurinn var miklu betri, horfði á L.pool leikinn og fór svo á leikrit sem kallast Animania. Þetta var hálfskonar spunaleikrit en samt ekki, leikendur fóru mikið út í sal, gerðu einhvern usla og fékk ég m.a. 2 væna og rennblauta svampa í andlitið. Frábært! 

Mér hefur samt aldrei liðið jafn furðulega og fyrir leikritið. Þegar við vorum að bíða eftir að hleypt yrði inní sal, þá voru leikarar meikaðir eins og látbragðsleikarar og gengu þarna um. Anyhow, einn þeirra kom upp að okkur eins og hann ætlaði að spjalla við okkur en stóð svo bara og starði á mig.  Djöfull leið mér illa, bara virkilega illa, roðnaði og svona, gat ekki fundið neitt til að segja við Rakel og þetta endaði bara með því að ég horfði bara svona til hliðar, leit aðeins í dagskrána og sagði svo við Rakel: "ég veit bara ekkert um hvað þetta leikrit er, ha?" Fíflið hélt svo bara áfram að stara á okkur. Ég var farinn að svitna, bara við það að hugsa um hvað ég ætti að segja næst  Meika ekki svona álag  

 

Eftir það var farið að svolgra í sig með honum Atla og fifa stúderaður aðeins. Hef nú ekkert merkilegt að segja frá því. Við litum aðeins í heimsókn á 11 eins og vanalega. B.t.w. að fá sér tequilastaup með lime er EKKI eins og að fá sér tequilastaup og sítrónu

 

Laterz